1 Arie, God, ninda javo fakinagoimi na sonembuse, vujege jebugaone!
2 Arie, God, nanda benunu resena evia, ningaso dae resena!
3 Ivuga kakato namo dari dae refera. Evetu genembo joka ari tefo, God ningi ningae eraera,
4 Avata, nanda sonemba a sorega fumbari kato mo, God numori.
5 Gitofu nandae ari ekoko ari seraera, aimi jovereghe nemoa gayare! Nu rea ari sisira ava use, ne sosighi arira.
6 Arie Bajari, na ivugaghae joba nimokena mutarena.
7 Na dara nanjogo da jokáda ireno, na bu darigeteso jebuguseni.