1 Arie God, anakora beká avia abua agira mane da sifoda, ni ari tomanako rea usesa ava setero,
2 Ni aminguse, evetu genembo ni jo tumondae usera ava, nine tofo ondeso buvu dariguseri.
3 Ninda natofo jo nenda misi gandigha aimi isoro edo enda baeri.
4 Nanda Kini a nanda God, Jacob da imemesiri Israel embo da gitofu de atai fati feteraira amo, nimori.
5 Ninda fakinaimi namane gitofu ava dedo atai fati feteraera.
6 Na jo nanda feva, O nanda misi gandigha ava tumondururono, aimi na sonembaeri.
7 Tefo, namanenda sonemba kato namane gitofu jokáda sorisira,
8 Namane evovodae nindae sakai sise a aiyakoe sise irarera.
9 Avata oroko mo, ni nange namane gukai muteso, gitofu namane de atai fati fefetumutari. Namane isorodae ya gheraera ainda jokáda, ni tefori.
10 Ni eteso namane gitofu dae oju sufero, namanenda gugua rea irira ava, nene sosighi e barimutari.
11 Ni ghabu sokinimbeteso, namane sino fuka de ojarigo umutari.
12 Tofo ninda natofo, jo mino kitako oriri ari da kaugo irae avata, mino kitako da oriri umutasi.
13 Namanenda kokomana tinguda irá gheraera aimi, namanendae rea umutasa ava gido, dere jise gegha seraera.
14 Nine eteso, natofo nunda oro oro namane gi derejise gegha seraera. Ne namanendae fakina tefova sise, mendó faingheraera.
17 Namane ni jo kotae eraera, a ninda evovo geka jo bejae eraera.
18 Namane nimokena jo gukai mutaeri, a ninda Agho Dari ava jo bejaeri.
19 Avata ni namane bu, taima sino evetu genembo gamburaera da vasa aminda fiteso,
20 Namane nimokena gukai futuse, teana embo da god kena banungaetera amo,
21 ni anakora namane tambaetesi.
22 Avata, namane ni tumonduse irera aindae, gitofuimi namane kau sifi (sheep) de ojari geraera,
23 Arie Bajari, diti fange ere! Ni redae ravesi?
24 Ni redae namanekena junguteresi? Namanenda dara a mema erá kotae eose!
25 Namane endada du degigitege fafaseteri. Sonemba eni tefo gido, namane gofedo, fonja jokáda fafaseteri.
26 Fu, namane sorase! Namane evovodae dubo buraesa aindae, fu, namane sonembase!