1 Au e dangi gi nua a God.
2 I lodo di madagoaa haingadaa, gei au e dalodalo ang gi Tagi.
3 Dogu madagoaa ma ga hagamaanadu a God, gei au e manawa dogu uhi.
4 God guu hai au gii ala i di boo dogomaalia.
5 Au e maanadu nia laangi ala ne hula,
6 I di waalooloo di boo, gei au e hagabaubau huoloo nia mee aanei i ogu lodo,
7 “Dimaadua gaa mee hua di diiagi gidaadou beelaa?
8 Mee gu hagalee hua e aloho i gidaadou?
9 Ma e aha, God la gu de langahia e Ia bolo Ia belee dumaalia huoloo?
10 Malaa, gei au ga helekai, “Deenei di mee koia gu haga manawa gee au:
11 Meenei Dimaadua, au ga langahia eau au mee ala ne hai.
12 Au e hagamamaanadu au mee huogodoo ala ne hai.
13 Meenei God, au mee huogodoo ala e hai le e dabu.
14 Ma kooe hua go di God dela e hai au mogobuna,
15 Goe ne haga dagaloaha au daangada gi o mogobuna,
16 Meenei God, di madagoaa nia wai ne mmada adu gi di Goe,
17 Nia gololangi gu malingi iha nia uwa,
18 Di lee o au atili gu haluihalulu,
19 Goe gu haele i lodo nia beau, Goe e hana laa lodo di moana llala,
20 Goe ne dagi au daangada gadoo be tangada hagaloohi siibi