1 Digau Judah e iloo e ginaadou a God,
2 Di guongo o Maa la i Jerusalem,
3 Nia amu maalei o nia hagadaumee la gu hadihadi go Mee i golo,
4 E madamada huoloo behee Kooe, meenei God!
5 Nia goloo digau dauwa maaloo dangihi la guu aau huogodoo gi daha,
6 Meenei di God o Jacob, do madagoaa ne wou gi digaula,
7 Malaa, nia daangada huogodoo la gu mmaadagu i di Goe, meenei Dimaadua.
8 Goe guu hai dau hagi aga gi modongoohia mai i di langi,
9 Do madagoaa ne duu aga, nogo haga modongoohia aga di tonu o dau gabunga,
10 Di hagawelewele o nia daangada gaa huli ga hagaamu Goe.
11 Wanga ina gi Yihowah, go di godou God, godou mee ala ne hagababa gi Mee.
12 Mee e haga menege iha nia dagi ala e hagamuamua,