1 Meenei God, goe gi aago ina di king i dana hai ana gabunga,
2 gii mee ai dana dagi au daangada gi di tonu,
3 Di haadanga lamalia mo di noho i di aumaalia la gii noho i lodo tenua deenei,
4 Di king la gi gabunga ina digau ala e hagaloale gii donu,
5 Au daangada la gi daumaha adu gi di Goe, i di waalooloo o di laa e maalama,
6 Di king la gii hai gadoo be di uwa dela e doo gi hongo di gelegele,
7 Di tonu o nnaganoho la gii gila humalia i lodo dono madagoaa,
8 Di hagageinga o dono henua le e tugi
9 Digau o lodo henua gaa pala gi lala i ono mua,
10 Nia king o Spain mo nia waa henua gaa wanga gi mee nadau wanga dehuia,
11 Nia king o nia henua huogodoo gaa pala gi lala i mua o mee,
12 Idimaa, mee e haga dagaloaha digau hagaloale ala e gahigahi a mee,
13 Mee e manawa dumaalia ang gi digau paagege mo digau hagaloale,
14 Mee gaa daa digaula gi daha mo nadau hai hagahuaidu mo nadau dadaaligi.
15 Di king gi mouli waalooloo!
16 Nia laagau hai palaawaa gii logo i lodo tenua deenei.
17 Di ingoo di king gi noho hua beelaa dono hagaodi ai.
18 Gidaadou gi hagaamuina a Yihowah-God, dela go di God o digau Israel,
19 Gidaadou gi hagaamuina di madamada o dono ingoo gaa hana hua beelaa!
20 Deenei di hagaodi o nia dalodalo a David go di tama Jesse.