1 Goodou go nia daangada huogodoo hagalongo gi di mee deenei!
2 goodou go digau aamua mo digau lligi,
3 Agu hagamaanadu la ga modongoohia:
4 Au ga hagalongo gii donu gi nia bida helekai kabemee,
5 Au hagalee madagu i di madagoaa ma ga haingadaa,
6 go digau huaidu ala e hagadagadagagee gi nadau maluagina,
7 Gimaadou e deemee di bida daa gimaadou gi daha mo di haingadaa,
8 Idimaa, di hui o di mouli o tangada le e damanaiee huoloo.
9 di daa gimaadou gi daha mo taalunga,
10 Di ingoo hua tangada e mee di mmada
11 Nia daalunga digaula ala nia hale digaula ga hana hua deeodi,
12 Tadau mahi le e deemee di daa gidaadou gi daha mo di made.
13 Mmada be ma di aha dela gaa hai ang gi digau
14 Digaula guu lawa di haga noho bolo digaula gaa mmade gadoo be nia siibi.
15 Gei God ga haga dagaloaha au.
16 Hudee manawa logo maa tangada ma ga maluagina,
17 Mee e deemee di kae nia maa madalia ia i dono madagoaa ma gaa made.
18 Ma e aha maa tangada e manawa lamalia gi dono mouli,
19 gei mee gaa made ga madalia ono maadua mmaadua
20 Tadau aamua le e deemee di daa gidaadou gi daha mo di made.