1 Meenei God, gimaadou gu hagalongo gi madau dalinga,
2 i dau hai dela ne hagabagi digau o di bouli gi daha,
3 Au daangada digi kumudia nia henua aalaa gi nadau hulumanu dauwa,
4 Goe go dogu king mo dogu God. Goe e hai au daangada gi aali.
5 Gimaadou e haga magedaa madau hagadaumee gi oo mahi.
6 Au hagalee hagadagadagagee gi dagu maalei
7 Gei Kooe hua dela ne haga dagaloaha gimaadou
8 Gimaadou ga hagaamu Goe i nia madagoaa huogodoo,
9 Gei dolomeenei, Goe gu diiagi gimaadou gi magedaa.
10 Goe ne hai gimaadou gii llele gi daha mo madau hagadaumee,
11 Goe ne hai gimaadou gi dadaaligidia gadoo be nia siibi.
12 Goe ne hui au daangada donu gi di hui dulii
13 Madau gau ala i madau baahi e mmada gi dau hai
14 Goe guu hai gimaadou gii hai nia mee haga gadagada dangada
15 Nia madagoaa huogodoo, gei au gu haga balumee, au gu langaadia huoloo
16 i dogu longono eau nia gadagada mono helekai haganneennee
17 Nia mee huogodoo aanei gu hai mai gi gimaadou,
18 Gimaadou digi diagia Goe, gimaadou digi de hagalongo gi au haganoho.
19 Gei goe guu kili gimaadou gi daha gi baahi nia manu lodo henua.
20 Maa nei bolo gimaadou guu dugu di madau hai daumaha adu gi di Goe,
21 gei Goe gu iloo hua, idimaa Goe e iloo hua madau maanadu ala e nngala.
22 Idimaa Kooe dela ne hidi ai gimaadou e dadaaligi gii mmade
23 Ala aga, meenei Dimaadua! Goe e kii eiaha?
24 Goe e hagammuni Goe i gimaadou eiaha?
25 Gimaadou gu monnono gi lodo nia gelegele.
26 Hanimoi hagamaamaa ina gimaadou!