1 Di huaidu le e mouli i lodo nia manawa o digau huaidu.
2 Idimaa digaula e hai bolo ginaadou nia mee,
3 Nadau helekai le e honu i nia huaidu, ge e honu i nia kai tilikai.
4 Digaula e hai nadau hagataele huaidu
5 Meenei Dimaadua, do manawa aloho dee modu la guu tugi loo i di langi.
6 Oo donu la koia e duuduu i nua gadoo be nia gonduu.
7 Meenei God, e dahidamee behee go do manawa aloho dee modu!
8 Gimaadou e hai madau hagamiami gi au hagabae meegai ala ne dahi aga,
9 Ma dela hua Kooe dela go di hagamau o nia mouli huogodoo.
10 Dudagia adu beelaa do manawa aloho dee modu
11 Hudee heia digau hagamuamua gi heebagi mai gi di au
12 Mmada malaa gi digau huaidu ala ne monnono.