1 Meenei Dimaadua, hai baahi ang gi digau ala e hai baahi mai gi di au,
2 Dahi aga ina dau mee abaaba mo au goloo dauwa,
3 Dahi aga ina dau daalo mo dau dalai dauwa,
4 Digau ala bolo ginaadou e hagamada e daaligi au gii made
5 Heia digaula gii hai be nia geinga maangoo ma ga iliili go di madangi
6 Heia nia ala digaula gi bouli ge gi malali i di madagoaa
7 Digaula guu dugu di nadau hele belee hele iei au,
8 Malaa, taaligi gaa hai hua gi digaula gei digaula de iloo.
9 Malaa, gei au ga manawa lamalia, idimaa go Dimaadua.
10 Au ga helekai gi Dimaadua mai i lodo dogu manawa hagatau boloo,
11 Digau huaidu e hai nadau haga modongoohia hai baahi mai gi di au,
12 Digaula e hui mai gi agu hegau humalia gi nia huaidu,
13 Malaa, di madagoaa digaula nogo magi,
14 gadoo be au e dalodalo i dogu ihoo haga tenetene,
15 Malaa, dogu madagoaa nogo i lodo di haingadaa,
16 Digaula e mmada haga gulugulua mai gi di au
17 Meenei Dimaadua, e waalooloo behee go do daumada hua au
18 Gei au ga danggee adu gi di Goe i lodo au hagabuulinga daangada.
19 Hudee heia ogu hagadaumee mo digau hai kai tilikai aalaa
20 Digaula hagalee leelee hagahumalia,
21 Digaula e wwolo gi nua e hagahuaidu au boloo,
22 Gei Goe, meenei Dimaadua, gu gidee Goe nia mee aanei.
23 Meenei Dimaadua, du gi nua, haga dagaloaha ina au.
24 Meenei Dimaadua, Kooe dela e donu,
25 Goe hudee heia digaula gi helekai boloo:
26 Digau ala nogo mmada tene gi dogu dadaaligi, la heia gi magedaa gi hinihini.
27 Gei digau ala e hiihai e mmada gi di tonu humalia o dogu gabunga
28 Malaa, au ga hagadele ang gi nia daangada bolo Goe di God e donu,