3 Au e iloo nia mee e logo, gei au e hai hegau hua gi agu mee
4 Deai di mee e dahi e tilikai i lodo agu mee ala ga helekai iei au
5 “God la koia e mahi! Mee e hagalee e de hiihai gi dahi dangada.
6 E hagalee e dumaalia ang gi tangada huaidu gi mouli duai,
7 Mee e hagaloohi digau ala e donu, gei e dumaalia gi digaula
8 Malaa, maa nia daangada le e lawalawa gi taula baalanga,
9 God e hagamodongoohia ang gi digaula
10 Mee gaa hai dana hai gi hagalongo nia daangada gi ana helekai hagalliga
11 Maa digaula ga hagalongo gi God, ga hai hegau anga,
12 Maa digaula e deeai, gei digaula gaa mmade i lodo nadau dadaulia.
13 “Digau ala deai nadau God ai, digaula e hagawelewele hua beelaa.
14 Digaula e mmade hua i lodo nadau madagoaa e dama daane ai ginaadou,
15 God e aago nia daangada i di hagaduadua
16 “God guu daa goe gi daha mo o haingadaa,
17 Gei dolomeenei gei goe guu kae di hagaduadua dela e tau adu gi di goe.
18 Goe gii pula i di goe gi de halahalau hua goe gi di hui halahalau,
19 E deai dono humalia adu gi di goe ai
20 Hudee hiihai gi di boo bolo gi limalima mai,
21 Gii pula i di goe, hudee huli anga gi di huaidu.
22 “Hagamaanadu ina be dehee di maaloo dangihi
23 Deai tangada e mee di helekai ang gi God bolo gi heia dana mee ai,
24 Di hagaamu a Mee dela ne hai ana mee huogodoo
25 Nia daangada huogodoo guu mmada gi nia mee a Mee ala ne hai,
26 Gidaadou e de iloo donu dono aamua, mo di geinga o ana ngadau.
27 “Deenei di God dela e mee di daa gi daha nia wai o henuailala,
28 Mee e haga doo ia dana uwa i lodo nia gololangi
29 Deai tangada e iloo di haga ngalungalua o nia gololangi ai,
30 Mee ga hagau dana ila gi dabadaba i lodo nia gololangi hagatau,
31 Malaa, deenei di hai o dana haangai nia daangada,
32 Mee e daahi tabadaba o di ila i lodo dono lima,
33 Di atili le e hagailoo di madangi damana dela ga dau mai,