1 Gei Job ga helekai,
2 “Au e leelee logo hai baahi gi God,
3 Au bolo gi iloo di gowaa dela e noho iei Mee,
4 Au ga hagi aga dagu gabunga i ono mua,
5 Au e hiihai gi iloo ana helekai
6 E hai behee?
7 Koau dela e donu.
8 “Au gu halahala God i di baahi gi dua, gei Mee hagalee i golo.
9 God le e hai ana moomee i bahi i ngeia mo i bahi i ngaaga,
10 Malaa deenei, God e iloo ogu ala heehee huogodoo.
11 Au e haele i hongo ono ala ne hagi mai gi di au,
12 Au e haga gila aga ana haganoho i nia madagoaa huogodoo.
13 “Gei Mee hagalee e huli dono manawa.
14 Gei Mee e haga gila aga dana mee ne haganoho belee hai mai gi di au.
15 Au gu bolebole huoloo i dogu madagu i mua ono hadumada.