1 Atĩrĩrĩ, inyuĩ ariũ akwa, ta thikĩrĩriai ũrũtani wa thoguo;
2 Tondũ ngũmũhe ũrutani mwega,
3 Rĩrĩa ndaarĩ mwana nyũmba-inĩ ya baba,
4 baba nĩandutire, akĩnjĩĩra atĩrĩ,
5 Gĩa na ũũgĩ, gĩa na kũmenya maũndũ;
6 Ndũkanatirike ũũgĩ, naguo nĩũrĩkũgitagĩra;
7 Ũũgĩ ũkĩrĩte indo ciothe; nĩ ũndũ ũcio wĩgĩĩre na ũũgĩ.
8 Tũũgagĩria ũũgĩ mũno, naguo nĩũrĩkwambararagia;
9 Nĩũgagwĩkĩra ithaga rĩa ũtugi mũtwe waku,
10 Thikĩrĩria, wee mũrũ wakwa, na wĩtĩkĩre ũrĩa ngũkwĩra,
11 Nguonetie njĩra ya ũũgĩ,
12 Rĩrĩa ũgũthiĩ, makinya maku matikahĩngĩcwo;
13 Rũmia ũrutani wakwa, na ndũkanareke ũkweherere;
14 Ndũkanagerere njĩra ya andũ arĩa aaganu,
15 Mĩĩtheemage, na ndũkanamĩgerere;
16 Nĩgũkorwo andũ arĩa aaganu matingĩkoma nginya meeke ũũru;
17 Marĩĩaga irio iria monete na ũmaramari,
18 Mĩthiĩre ya andũ arĩa athingu ĩhaana ta ũtheri wa gũgĩkĩa,
19 No mĩthiĩre ya andũ arĩa aaganu ĩhaana ta nduma ndumanu;
20 Mũrũ wakwa, ta thikĩrĩria ũrĩa ngũkwĩra;
21 Ndũkanareke ciehere maitho-inĩ maku,
22 nĩgũkorwo nĩcio itũũragia arĩa maciĩgwatĩire muoyo,
23 Makĩria ya macio mothe, rangagĩra ngoro yaku,
24 Eheria rũnano kanua-inĩ gaku;
25 Maitho maku nĩmarorage na mbere,
26 Aragania njĩra iria magũrũ maku marĩthiiagĩra,
27 Ndũkanaahũke na mwena wa ũrĩo kana wa ũmotho;