1 Nake Elifazu ũrĩa Mũtemaani agĩcookia, akĩmũũria atĩrĩ:
2 “Mũndũ angĩgeria gũkũgwetera koigo kamwe-rĩ, hihi wamũkirĩrĩria?
3 Ririkana ũrĩa wanataara andũ aingĩ,
4 Ciugo ciaku cianatiirĩrĩra arĩa manahĩngwo makenda kũgũa;
5 No rĩu-rĩ, nĩũkoretwo nĩ thĩĩna, nawe ũkoorwo nĩ hinya;
6 Githĩ wĩtigĩri Ngai waku tiguo wagĩrĩirwo gũtuĩka ũũmĩrĩru waku,
7 “Ta wĩcũũranie atĩrĩ: Nĩ mũndũ ũrĩkũ wanathĩĩnĩka atekĩte ũũru?
8 Niĩ ũrĩa nyonete-rĩ, nĩ atĩ andũ arĩa marĩmaga ũũru,
9 Manangagwo nĩ mĩhũmũ ya Ngai;
10 Mĩrũũthi no ĩrume na ĩrarame,
11 Mũrũũthi nĩũkuaga nĩ kwaga gĩa kũguĩma,
12 “Nĩ kũrĩ kohoro karanginyĩire na hitho,
13 Ũtukũ ngĩĩcũũrania ũhoro wa cioneki cia kũmakania,
14 ngĩnyiitwo nĩ guoya na kũinaina,
15 O hĩndĩ ĩyo roho ũraahĩtũkĩra o ũthiũ-inĩ wakwa,
16 Roho ũcio ũrarũgama,
17 ‘Mũndũ wa gũkua-rĩ, aahota gũtuĩka mũthingu gũkĩra Ngai?
18 Angĩkorwo Ngai ndangĩhota kwĩhoka ndungata ciake-rĩ,
19 githĩ to oone mahĩtia maingĩ mũno ma andũ arĩa matũũraga nyũmba cia ndoro,
20 Kuuma rũciinĩ nginya hwaĩ-inĩ moinangagwo tũcunjĩ;
21 Githĩ mĩkanda ya hema yao ndĩmunyũrĩtwo,