1 “Nĩ kĩĩ kĩgiragia Mwene-Hinya-Wothe araarĩrie mahinda ma ciira?
2 Kũrĩ andũ meeheragia mahiga ma mũhaka,
3 Moyaga ndigiri ya mwana wa ngoriai,
4 Nĩ meeheragia andũ arĩa abatari njĩra-inĩ,
5 O ta njagĩ cia werũ,
6 Monganagia ngaragatha mĩgũnda-inĩ,
7 Maraaraga njaga nĩ kwaga nguo;
8 Maconjoragio nĩ mbura ya irĩma-inĩ,
9 Mahuragia mwana wa ngoriai kuuma nyondo-inĩ;
10 Mathiiaga njaga nĩ kwaga nguo;
11 Mahihagĩra ndamaiyũ mĩtaro-inĩ;
12 Mũcaayo wa arĩa marakua nĩũraiguuo ũkiuma itũũra inene,
13 “Nĩ kũrĩ andũ arĩa mareganaga na ũtheri,
14 Hĩndĩ ĩrĩa gwatuka-rĩ,
15 Riitho rĩa gĩtharia rĩetagĩrĩra kũgĩe mairia;
16 Rĩrĩa kũrĩ nduma-rĩ, nĩguo andũ matuaga nyũmba,
17 Nĩgũkorwo andũ acio othe-rĩ, nduma ĩrĩa ndumanu nĩyo rũciinĩ rwao;
18 “No rĩrĩ, o nĩ mũhũũyũ ũrĩa ũrerete igũrũ rĩa maaĩ;
19 O ta ũrĩa riũa na ũrugarĩ iniinaga maaĩ ma tharunji-rĩ,
20 Nayo nda ĩrĩa yamaciarire ĩkariganĩrwo nĩo,
21 Marĩĩaga indo cia mũtumia thaata na ũrĩa ũtarĩ kaana,
22 No Ngai, nĩ ũndũ wa ũhoti wake, nĩakururagia arĩa marĩ hinya;
23 We no ametĩkĩrie maikare mahurũkĩte makĩĩiguaga ta matarĩ na ũgwati,
24 Nĩgũkorwo matũũgagĩrio o kahinda kanini, magacooka makeehera;
25 “Akorwo ũguo tiguo gũtariĩ-rĩ, nũũ ũngĩonania atĩ nĩndaheenania,