1 Mwa Yaubada! Avaka uula bogwa lokusilavaimasi makawala baisa?
2 Kululuwai m tomota, matausina bogwa lokunigibogwi paila titoulem,
3 Kuliloula ambaisa eikatudidaimisi valu.
4 Kam tilaula bogwa leigovasi paila kalisewa om Bwala Kwebumaboma.
5 Matausina kasi gigisa makawala totavi kai,
6 Ikatugunugunaisi komwaidona kai makaisina bwala kala katububula
7 Matausina ikodidaimisi m Bwala Kwebumaboma deli igabwaisi wa kova.
8 Matausina magisi bikatumkumkwaimasi mokwita.
9 Komwaidona da kabutuvatusisi kwebumaboma bogwa leitamwausi,
10 E Yaubada, ammakawala kala woloula kama tilaulasi bigigilaimsi?
11 Avaka paila yoku lokupakaimasi?
12 E Yaubada, yoku wala ma Guyausi metoya okala vitouula.
13 Metoya om peuligaga bolita kuwotuli,
14 Bogwa lokukwatugunugunu makwaisina pwanetala minana naveka Dokanikani,
15 Bogwa lokuvagi waya deli sakala ititayelusi.
16 Bogwa kububuli yam deli bogi.
17 Kusaibwailaki kala kalitutila valu watanawa.
18 Mwa Guyau! Kululuwai kam tilaula igigilaimsi wala.
19 Taga kuligaiwa m tomota tomamama baisa kasi tilaula togigasisi.
20 Kululuwai kabutu makwaina lokuvagi deli yakamaisi.
21 Taga kutagwala matausina eibodasi lamadada bimmosilasi.
22 Mwa Yaubada! Kuvigimamalu kutokaia, kupilasaimasi yakamaisi m vavagi.
23 Taga kulumwelavi si ukuwakula kam tilaula,