1 Mwa Guyau! Ma guyausi imwamwasila nanola, uula wala bogwa lokukwatupewoli matauna.
2 E bogwa lokusaiki matauna avaka magila.
3 Bogwa lokumakaia matauna deli kala mitakwai kwevakaveka,
4 Matauna einigadaim paila momova, e yoku bogwa lokusaiki.
5 Kala katububula saina isiligaga, uula wala m pilasi,
6 M mitakwai baisa matauna gala wala biwokuva,
7 Da guyausi idubumi Guyau Topeuligaga.
8 Da guyausi bikatupipi komwaidosi kala tilaula,
9 E avai tuta biviloubusi, bivigaki makawala kovasupa bivakadoum matausina.
10 Gala taitala dalesi bikesa,
11 Bogwa ikeiwalaisi matauna paila bikatumataisi,
12 Matauna bikaligigai matausina okaiyala,
13 Mwa Guyau! Kayakawolaimsi, paila m peula saina vakaigaga.