1 Mwa Guyau! Saina ayebwailim!
2 Guyau matauna ulo vayoula.
3 Adou baisa Guyau,
4 Kabokaliga bogwa eivaulaigusi eivapataigusi,
5 Kabokaliga bogwa eivaulaigusi,
6 Ogu tuta mwau adou baisa Guyau.
7 E oluvi valu watanawa immotatina deli iigayega.
8 Mseu iyoulapula metoya okabulula,
9 Matauna ikopwali gawata e ibusi ima
10 Isila otapwala natana bubuli isim pinupanela,
11 Ivakanunuvi titoulela metoya odudubila,
12 Kuna kwekulokula deli mayela kova
13 E Guyau ibutupilapala metoya ogawata,
14 Ilavi la kaiyala ikaligigai kala tilaula.
15 Mwa Guyau! Tuta makwaina lokukwamitilaki kam tilaula,
16 Guyau ikalakova metoya walakaiwa e ilitakaigu.
17 Matauna ikolaigu metoya agu tilaula saina topapeula,
18 Ogu tuta mwau imaisi mwada biwaigusi
19 Matauna ipilasaigu metoya okabosilagi.
20 Guyau immapwaigu paila auvagi duwosisia.
21 Bogwa lakabikuwoli la Karaiwaga Guyau,
22 Bogwa lakabikaula makwaisina la karaiwaga komwaidona,
23 Matauna bogwa inikoli gala avaka agu pakula,
24 E mapaila immapwaigu uula auvagi avaka duwosisia,
25 Mwa Guyau! Yoku kukimidagi availa availa matausina ikimidagaimsi,
26 Yoku tomigileu baisa matausina availa availa tomigileu,
27 Kukwatumovi matausina availa availa ninasi watanawa,
28 O Guyau, lokusakaigu lumalama.
29 Yoku kusakaigu peula paila bawaiya agu tilaula,
30 Matauwena Yaubada! O isa bwainigaga avaka avaka eiuvagi!
31 Guyau matauna kalamwaleta wala Yaubada.
32 Matauna wala Yaubada ivigakaigu lapapeula.
33 Matauna ivigakaigu baloula oraibwaga makawala ugiwagi,
34 Matauna ivakadaigu kidikedala kabilia,
35 Mwa Guyau! Kutabodaigu e deli kukolaigu.
36 Yoku gala kutagwala availa bikatupipaigu,
37 Avakuli wala agu tilaula e bayosi matausina,
38 Awaiya matausina ikapusisi, e gala ibodi bitokaiasi.
39 Yoku bogwa kukwatupewolaigu okabilia,
40 Kuvigaki agu tilaula bisakaulasi metoya baisa yeigu,
41 Idousi paila pilasi, mitaga gala wala availa bikoli matausina.
42 Akomtumtu matausina e ivigaki makawala tubumyou
43 Yoku kukolaigu metoya baisa tomota matausina tokosomapu,
44 Togilagala ikululusi omatagu.
45 Bikitumouwaisi si tuvaluwa,
46 Guyau matauna Tomomova goli!
47 Ivigakaigu atomgwaga odubasi agu tilaula,
48 deli ikolaigu metoya ogu tounakaiyala.
49 E baisa uula aiyakawolaim oluwalaisi boda ituwoli ituwoli.
50 Yaubada ivigaki la guyau matauna bitomgwaga mokwita,