1 Bitanokagutokisi baisa Guyau, paila matauna giyoubwaila.
2 Ibodi mina Isireli bikaibigasi,
3 Ibodi Yaubada la tolula bikaibigasi,
4 Ibodi komwaidosi totapwaroru bikaibigasi,
5 Metoya ogu mmayuyu adou baisa Guyau.
6 Guyau deli yeigu, e gala wala bakokola.
7 Paila Guyau goli ipipilasaigu,
8 Ibodi sainela bitadubumaisi Guyau,
9 Ibodi sainela bitadubumaisi Guyau,
10 Agu tilaula bidubadu eitoulaigusi,
11 E ititoulaigusi wala itapataigusi,
12 Ivaulaigusi makawala budotala tubuyusapi,
13 Iwawaigusi saina minimani e makateki wala bamama,
14 Guyau bikatupewolaigu e bogwa bapeula.
15 Ka, kulegasi govala tomgwaga, ikatugougovasi deli mwasawa osi buliyoyova Yaubada la tomota.
16 Bogwa tatomgwagasi paila uula wala Guyau la peula,
17 Yeigu gala wala bakaliga. Mitaga tomomova yeigu
18 Bogwa leimipukwaigu saina mwau,
19 Kuulaimwaisi kalapisilela Bwala Kwebumaboma
20 Ka, baisa Guyau la kalapisila.
21 Mwa Guyau! Ayakawolaim, paila lokulagaigu,
22 Dakuna itakilaisi tokwaliai bwala,
23 Baisa ivagi Guyau,
24 Yam lagaila goli Guyau eitomgwaga.
25 Bukukolaimasi! Mwa Guyau! Bukukolaimasi!
26 Ibodi Yaubada bimitukwaii matauna imaima metoya baisa Guyau.
27 Guyau matauna Yaubada, e matauna imitukwaibwailidasi.
28 Yoku ulo Yaubada e anokagutoki baisa yoku.
29 Bitanokagutokisi baisa Guyau, paila matauna giyoubwaila.