1 Mwa Guyau! Ibodi bakakavisaimsi wala yoku e kammwaleta wala yoku,
2 Avaka uula boda ituwoli ituwoli bikatupoiyaidasi,
3 Da Yaubadasi isisu wala wa labuma,
4 Matausina eibubulaisi si yaubada metoya siliba deli goula,
5 Minasina isim udosi, mitaga gala gagabila bilivalasi,
6 Isim taigasi, mitaga gala gagabila bilegasi,
7 Isim yumasi, mitaga gala gagabila bikabikonasi,
8 Ibodi goli komwaidosi availa availa eibubulaisi e eidubumaisi minasina,
9 E yokomi mina Isireli bukudubumaisi Guyau.
10 Yokomi la tolula Yaubada, bukudubumaisi Guyau.
11 Komwaidomi yokomi totapwaroru, bukudubumaisi Guyau.
12 Guyau iluluwaidasi e bimitukwaiyaidasi.
13 Bogwa bimitukwaii komwaidosi availa availa itemmalaisi matauna,
14 Ibodi Guyau bisakaimi litumia,
15 Ibodi Guyau bimitukwaiyaimi,
16 Labuma baisa Yaubada kalamwaleta wala la vavagi,
17 Tomata gala wala biyakawolaisi Guyau.
18 Mitaga yakidasi tommomova bogwa bitanokagutokisi baisa matauna,