3 Ka, yeigu ulo nikoli saina beiyaya.
4 Ulo bigatona komwaidona lalivali gala kwaitala sopa.
5 Mokwita Yaubada saina topeula.
6 Matauna gala itagwala tomitugaga bisisuaisi tommomova tuta kaduwonaku,
7 Matauna ikoli tomitukwaibwaila.
8 E mitaga kidamwa tilaula biyuwolaisi matausina metoya yuwoyoula
9 Yaubada iyomitali baisa matausina si mitugaga
10 Matauna idiku taigasi paila binakaigalaisi la katuloluta
11 E kidamwa bikabikuwolaisi Yaubada,
12 Mitaga kidamwa gala, e si kaliga kabotakainowa wala,
13 Availa availa matausina gala inikolaisi Yaubada
14 Matausina igau wala totubovau ikaligasi,
15 Mitaga Yaubada iyokili tomota mitasi metoya osi kabommayuyu,
16 Yaubada eivisunupuloiyaim metoya okabomwau,
17 Mitaga baisa tuta lokuboda kam mipuki
18 Kuyamata gala availa bisoma lopom metoya avai guguwa mwada biwabwaim,
19 Paila makwaisina gala wala kwaitala pilasi
20 Gala bukupikwaku paila mwada nani bibogi
21 Kuyamata gala bikau nanom mitugaga;
22 Kululuwai ammakawala Yaubada la peula saina vakaigaga;
23 Gala availa ibodi biluki Yaubada avaka bivagi;
24 Tomota tuta komwaidona iyakawolaisi matauna metoya avaka avaka iuvagaisi;
25 Tomota komwaidona bogwa eigisaki mitasi
26 Gala ibodi bitanikolaisi mokwita ammakawala la karaiwaga kala peula,
27 Yaubada titoulela ikau sopila watanawa
28 Matauna ikibolu kuna metoya olowalowa,
29 Gala availa inikoli ammakawala lowalowa si kaisakaula,
30 Matauna ivigaki kavikavila bivisigili labuma komwaidona,
31 Baisa makawala eivigaki paila eikamovi la tomota;
32 Matauna ikikuloti kavikavila oyamala,
33 Pilapala biwai baisa kabotuvitusila yagila bikoulusa