1 Waea pi aanuri pama paala omo nimu pagola peme.
2 Kantri meda-para piri onaame nimuna gavman senisi pulalo yada palimi rabu kagaa alopape aa mudu rado re-para alopatalo peme.
3 Aa medame naraame ome aanu rabuniaatalo palia-dare gore yai adaa ipua e maapu marateade-rupa mada pea.
4 Rekena i agaa rasitemere wae yae peme aanuna bi minasaeme.
5 Waea peme aanumiri epe porare ake piaene yapalo nimu ora na-ademe.
6 Aa meda nipu oyae dia yaliare epe aa yaliare amo ne aame pea luabu rabuaaya.
7 Ogege-aame rekena i yaenu luabu ratua palia-dare epe kone ia.
8 Aa medame mone rudu minaloa onaa repara poropete adaapu waria mealia pare mada nasaalia.
9 Aa medame rekena i agaa narataliadare Gote-me go aana beten napagalia.
10 Aa medame epe aa meda makiraatalo paliare nipuna paliade waeame nipu wala mapiraalia.
11 Oyae adaapu i aanu nimu ora makuae yae ima kone imi pare naraanu kone waru sua amope aanuna kone makuaaeme.
12 Epe redepone aanumi nimuna kantri surubolalo peme raburi onaa luabumi go aa madaa ranaame waru omeme.
13 Aa medame nipuna wae yae pawa kudiripu pa ina kone sua piraliare go aame epea napea.
14 Gore aa medame Adaa Aa madaa kone rulaawa piraliare nipu raana waru omoa pirina.
15 Gore kantri surube aame waea pua naaranu rabuaniatalo paliare nipu ota.
16 Gore mo kantri-na surube aa nipu epe kone na-i yaliare onaa luabu pa rabua tua ma-oyatalia.
17 Aa medame aa yago tumaomalia-dare go aa nipuna tapa poaawa kedaa mealia.
18 Gore aa medame epe kone epe pora ratua aaliare nipu epe redepoya piruaalia.
19 E-poae aa yaliare nipuna maapu-para eta ora adaapu su aalia.
20 Aa medame redeponea rataliare Gote-me go aa nipu epea palia.
21 Na-epeta koso madaa aa meda rabamua aa meda wala malopaliare gore ora na-epe ta.
22 Aa meda nipuna yaenu o waru yoa aalia-daare aipapulu amope alia.
23 Gore neme aa meda maredepoyali nipumi ranaame waru omalia.
24 Gore aa medame agi araana oyaenu paake noa gupa ta.
25 Aa meda nipu oyae yoloa salua kone saliare aa adapumi go madaa ratu yawalimi.
26 Aame nina makuae oyaeme nipuna bipa madaa raba mealia kone ia pare mada dia.
27 Aa medame aa naraanu oyae pa ode kateare go aa nipu oyae mada narudutea.
28 Wae agaa lo wae pora rati aanumi kantri surubalimi-dare onaa nimu kalodoa piralimi.