1 Neme waea pi aanuna kone madaa raaname na-omape.
2 Nimu waea pape agu niminaaeme.
3 Aa meda nipu epe kone su epe makuae yae raapu piraliadare nipu ora epe ada-rupa pu patea.
4 Go piaene aa nipumi yoto adaapu pe yaenu kaboa nipuna ada-para marubia salia.
5 Aa nipu epe kone sua epe makuae waru rubina aaliare go aa nipu ora puri pabe aa alia.
6 King medame ada kagure medapara piri king meda raapu yada pulalo paliare mo epe kone sua makuae aanu madaa kone aba mealiare goa ora epelia.
7 Epe kone-para epe makuae yae laapo-re ora madaa ia-pulu epe kone na-i aanuna kone luabu rabuaniaaya.
8 Waea pape mada agu kone niminaalia aare nipu pupikagi nape aa yade teme.
9 Wae kone imi aanuni oro yalo nimu wae pupitagi nape kone agu niminawaeme. Go pemea luaburi waeana re luabu yade.
10 Gore wae yapi-di meda ne alalia rabu nena uni omapaawa ne ora puri ogesi-da page meda ora nasalia.
11 Gore koso-me rumaawa aa meda wae napea pare tumaomatalo palimimiri neme go aa wala puaa raba meape.
12 Neme apo yaere niaana ya-daa dia pi nalape. Adaa Aa-me ne ora waru suruboa nena oyaenu page waru rumaa gu aaya-ga adape.
13 Naa si nere epe redepi alumbi apaa nape.
14 Gorupare neme waru makuaawa adape epe kone-para epe makuae yae lapore rede pi yae meda mua oro yalo pirali.
15 Ne wae aa yaliare neme kudiripu pirua epe aa medana ada-para nasuruba pirape.
16 Gore epe redepone aa wae yaeme malopaaliare nipu oro yalo wala rekaa pitia.
17 Nena iaa medame kedaa rialia rabu neme epe pia nalape.
18 Gore akolo ya? Adaa Aa-me neme go palide-a adalia rabu mo iaa madaa pape ronore wala ne madaa pina tea-ga waru adape?
19 Neme mo waea pemea adoa kedaame na-omape.
20 Dia go aanu nimu epe yae meda mada na-adasalimi.
21 Gore na si nere ora Adaa Aa-na rolo-para page piru aa mudu king-na rolo-para page pawa pirape.
22 Go piaene onaare nimu wae yae repara repara aipapulu mealia.
23 Epe kone i aanu medalomame go agaa kiritaawa isimi.
24 Waea pi aa koso mada adialimi pare mo koso pagoa rumae aame nipu na-adini pa penatea.
25 Go yapare mo koso pagea aame waea pi aanu adialepape teare nipu eperupa pirua epe yaenu mealia.
26 Epe redepone agaame abutea-daare go aare nena adami aa.
27 Neme aba ripia maapu poa su maredepo yaawoare orope gopare ada paina.
28 Gore neme aa medana koso rabamua talo palidare neme pama pupitagi nane aa loa go aa narabameape.
29 Go page pa aa meda madaa neme abia nipuna wae yae abutalo pi nalape.
30 Ni pora pamua epe kone naiwae kiaa rakepene aa medana e maapu pa mu adawa.
31 Go maapu ripu wae-para itutu medaloma page opea.
32 Neme go maapu adoa kone adaapu mua ni makuae yae ora waru meawa.
33 Wae kiaa rakepene aame goa teme:
34 Nimumi goa peme rabu oyae luabu aipapulu diayoa naraa onaa pirualimi.