1 Umali ayu ta dayawon tu'uh Apo Dios,
2 At humigup tu'uh nan Timpluna ta ikanta tu'uy punyamanan tu'u
3 ti nidugah di abalinan Apo Dios,
4 Hiyay Ap'apun amin hitun luta,
5 Ya an amin di wadah baybay ya hitun luta ya bagina ti Hiyay nunlumun amin.
6 At aga ta mumpunhippi tu'u ta dayawon tu'uh Apo Dios an nunlumun ditu'u
7 ti Hiyay Dios tu'u,
8 “Adi ayu nangohoy ta adiyu iyunnud hidin inat din o'ommodyuh
9 ti nginohoya', ya tinapngana' ay dida
10 At heden napat di tawon ya nidugah di bungot'un dida,
11 At hiyanan dumalat nan nidugah an bungot'u ya inhapata' an inali' di,