1 O Apu an Dios an munhumalyah tatagu,
2 ti He"ay manumalyah nan atagutaguh tun luta
3 Apo Dios, anuud di pamogpogam hinan ato'aton nan nun'appuhiy pangatnan tatagu
4 Ti gunda mumpahpahiyah nan nun'appuhin ina'inatda,
5 ya diday mangipaligligat hinan tatagum an mangun'unud ay He"a, Apo Dios.
6 Ya patayonda goh nan balu,
7 Ti alyonday,
8 Emayaanyun manangpah ya da'yun adi mangngol
9 Undan nan nangiyammah inga ya adina donglon?
10 Ya undan Hiya an munhumalya ya adina moltaon?
11 Inilan Apo Dios an amin di wah nomnom di tatagu,
12 At mipadenol nan tatagun tugunom, Apo Dios,
13 ya ipadenolmu didah nan gutud di aligligatanda
14 Ti adi ahan inganuy Apo Dios nan tataguna an mipaddung hi banohna,
15 at mawada mahkay di nahamad an pamanuh,
16 Mi'id ahan di bimmadang ay ha"in hi nananggaa' hinan tatagun nun'appuhiy pangatda!
17 Ya gulat hi unna' agguy binadangan ay He"a, Apo Dios,
18 Mu hidin nangalya' hi magadyuh an ma'abaka' ya binadangana' ay He"a, Apo Dios,
19 Ya wa ay goh ta numanomnoma'
20 Adim abuluton hanan nappuhiy pangatdan a'ap'apu an middum ay He"a, Apo Dios,
21 Ya muntitilupdan amin an munnomnom hi pangipapatayandah nan tatagun maphod di ugalida,
22 Mu mundenola' ti ipapto'a' ay He"a, Apo Dios
23 At He"ay mummoltah an amin hinan tatagun nun'appuhiy pangatna