1 Da'yun i'ibba, donglonyu nan itudtudu',
2 ti hay ulgudo' ya nan nipa"el
3 an nan na'ulgud an dengngol tu'u,
4 At adi tu'u ipo"oy date hinan imbabaluyda ta innilaon nan holagdah awni nan nidugah an ina'inat Apo Dios,
5 Hi Apo Dios di nangidat hinan Tugunah din ommod tu'un hi Jacob,
6 ya ta innilaon goh nan mehnod an holagda,
7 Ya manu ay umat hinay ma'at ta way atondan mangehdol goh ay Apo Dios,
8 ya ta adida umat hidin o'ommoddan adida ahan matugun ti ngumhayda an tatagu
9 Ya umatdah nan holag Ephraim an immuy ni'gubat an ta"on hi unda enegtom di gina'uda an umat hinan panada
10 ti agguyda ahan inunud nan intulag Apo Dios ay dida,
11 ya inaliwanda nan immipanoh'an gun inat Apo Dios an gunna impattig ay dida.
12 Ya do'ol goh di gunna impattig hidin o'ommoddah nangatanah nan umipanoh'ah
13 ya nunhiyanona nan danum hinan Mumbolah an Baybay ta ay nun'ida'lig hi numpinangngel
14 Ya nan mapatal hidin gunda numbaatan ya waday ma'ugtul an bunut an nunlidum ay didan gun mangipangpanguluh owonda,
15 Ya binhina din daplah hinan mapulun ta bimmuhu' di do'ol an danum
16 at do'ol ahan nan danum,
17 Ya undaat goh inyal'allan nangipabungot ay Apo Dios an na'abbagbagtuh
18 ti tinapnganda goh hi Apo Dios hidin numbagandah nan numbino'ob'on hi ma'an
19 Ya nappuhiy nanapitdan Apo Dios ti nunlilidan inaliday,
20 Ya inalida goh di,
21 Ya unat goh dengngol Apo Dios henen inalida ya ma'abbungot,
22 ti mi'id di pangulugdan Apo Dios,
23 Mu ta"on ya minandalnad daya ta mibughul nan pantaw ad abuniyan
24 ta nun'agah nan ma'an an ma'alih manna ta way ononda,
25 at impa'anah nan tataguy onon di a'anghel,
26 Ya hennag goh Apo Dios nan tuyup an nalpuh appit di buhu'an nan algaw,
27 ta impituyupna nan do'ol ahan an hamuti
28 ya nun'ogahna din ay hamutih nan wadan di abungdan tulda,
29 At nanganangan din tatagu ta nangamung unda nun'abhug
30 ya unat goh wan nahenglada ta u'munonda din angunuh an inya'ameldan onon
31 ya ma'abbungot hi Apo Dios ay dida,
32 Mu ta"on hi un umat hinay na'at hinan udumnan dida mu numbaholda damdama,
33 At hiyaat unna pinogpog di pi'taguandah tun luta,
34 Ya unat goh nun'ipapatoy Apo Dios din udumnan dida
35 Ya ninomnomda mahkay an Hiyay punhi'uganda,
36 Mu un pangpang'ali din hinapitdan Apo Dios
37 ti undan tuwali nihamad di pangulugdan Hiya,
38 Mu ta"on ya ma'ahhimo' hi Apo Dios,
39 Ti ninomnomnan dida ya unda tagu ya anggay
40 Ya gunda din'ug Hiyah din wadandah nan mapulun,
41 Ya gunda tinapngatapngan Hiya,
42 Ya naliwanda nan aat di abalinanan namaliw ay didah nan buhuldan nangipaligligat ay dida
43 ya din nangatanah nan numbino'ob'on an umipanoh'ah din wadandad Egypt hinan lugal hi ad Zoan.
44 Ti numbalinonah dala din danum hi wangwang ya ginnaw ad Egypt,
45 Ya limmuna goh di do'ol an lalog
46 ya nun'im'iman din do'ol ahan an begeh ya dudun an amin di inhabalda,
47 ya nun'ogahnay o"ongol an dalallu ta numpa"inan amin din intanomdan greyp ya figs an ma'alih sicamor,
48 ya ta"on nan bakada ya numpatoy nan dalallu,
49 Ya hidin bimmoholan Apo Dios hinan i'Egypt ya impuhaynan diday nidugah an bungotna,
50 At impuhayna nongkay nan nidugah an bungotnan dida,
51 ya nun'ipapatoyna nan papangpangullun linala'in holag di i'Egypt
52 Ya initnudna nan tataguna an umat hinan na'uyug an kalnilu,
53 Ya hinalimunana dida ta agguyda timma'ot,
54 Ya impadutu'na din tataguna ta nangamung unda nidatong hinan nilahhin an babluy
55 Ya numpakakna din tatagun tono' an numpunhitun nen babluy hi dimmatngan nan tataguna,
56 Ya ta"on un umat hinay inatna mu gunda damdama tinapngan hi Apo Dios an nabagbagtu,
57 At umatdah din o'ommoddah din penghanan din nan'ug ay Apo Dios,
58 Ya impabungotdah Apo Dios an dumalat nan nangiyammandah din pun'onngan,
59 Mu unat goh tinnig Apo Dios henen inatda ya nidugah di bimmungtana,
60 ya ingnganuyna dida,
61 Ya inyabulutnay nangilayawan nan buhuldah nan Kahon an Nittuwan di Uldin,
62 Ya nidugah di bimmungtanah nan tataguna an ay tawidna,
63 At nun'atoy din ungungan linala'ih din nunggugubatanda,
64 Ya numpatoyda goh din papadi,
65 Ya la'tot ya inhi'al Apo Dios an paddungnay umat hinan nonollo',
66 At inabakna nan buhulna,
67 Ya din'ugna nan holag Joseph,
68 ti hay pinilina ya nan holag Judah,
69 At hidiy nangipiyammaanah nan Timplunan ata'nang an umat hinan ata'nang an duntug,
70 Ya hi David an mumpahpahtul hinan kalniluy pento'na ta hiyay baalna
71 ta umat hi inatnan mumpahtul hinan kalnilu di atonan manalimun hinan tatagunan holag Israel
72 At inhamad David an nangipapto' ay dida