1 Inhamad'un nunluwalu, Apo Dios,
2 Ya hidin maliligatana' ya nunluwalua' ay He"a,
3 Ya wa ay ta ninomnom da'a, Apo Dios, ya munlilia',
4 At ten unna' timmu'al an agguy'u ahan inim'imit,
5 ta omod un'u ninomnom'u din numbino'ob'on an mun'aphod an na'at hidin nadnoy.
6 Ya heden nahdom ya kimmantakantaa' ya nanginomnoma' hitun ma'ma'at hi ad ugwan ya inali' hi nomnom'uy,
7 “Undan inaynayunmu, Apo Dios, an gun manginganuy ay ha"in?
8 At hiyah te mah di pogpog nan adi malumluman an pamhodmun ha"in?
9 Un mah inaliwam an Dios nan nidugah an homo'mu?
10 Ya intuluy'un nunnomnom, ya inali' mah di,
11 At adi' al'alliwan din ina'inatmu, O Apo Dios,
12 ya ten adi ma'ma"aan hi nomnom'u dade nan ina'inatmu,
13 O Apo Dios, He"a ya na'ahhamad di pangatmu,
14 Ti He"a ya anggay di way abalinanan mangat hi umipanoh'a,
15 ya binaliwam nan tatagum an nan holag da Jacob ay Joseph
16 Ya unat goh paddungnay tinnig da'ah nan danum, O Apo Dios, ya nidugah di ta'otda,
17 Ya hemmelong nan bunut,
18 ya pimmuo' an niddum hidin gunna umidulan,
19 Ya ene'wam hinan baybay,
20 ya impangulum nan tatagum an umat hi kalnilu,