1 Anaad ahan ta inganuy da'mih enggana, Apo Dios?
2 Nomnomom an da'mi nan pento'muh tatagum hidin penghana
3 Un adya ihamadmun tigon nan numpa"in danen buhulmu
4 Ya wah didan tumanu'u' nan buhulmuh nan Timplum an dumalat di nangabakanda,
5 Ya hay tigawda ya umatdah nan linala'in mumpalngoh hinan ayiw hi inalahan an hay wahay palngohda,
6 ya nungwahayda ya nummattilyuda an amin nan nal'altian an dedeng,
7 ya pinuulanda nan Timplum,
8 Ya hay ninomnomda goh ay alyonday,
9 Ya ten mi'id di pangitiganmih un da'mi baliwan,
10 Anuud mah nin di pangidinngan daten buhul an mamihupihul ay He"a, Apo Dios?
11 Anaad ta adi da'mi badangan an mid alyonan moltaom dida ta mun'a'ubahda?
12 Mu He"a damdamay alimi, Apo Dios, an nete"ah din penghana ta engganad ugwan,
13 Ya He"a goh nangodwah danum hi baybay an dumalat nan nidugah an abalinam,
14 Ya nunggumi'mu goh nan ulun nan alyondan Leviathan,
15 Ya limmum di danum hinan obob ya hinan ginnaw,
16 Ya He"ay nunlumuh nan patal ya nan mahdom,
17 ya He"a goh di nangiyammah nan igad an pogpog tun luta,
18 Mu adya nomnomom ni', Apo Dios, nan gun pangaba'abatlan nan buhul ay He"a
19 ya adim ni' ahan du'gon daten mid abalinanan tatagum hinan aton nan atata'ot an buhul ay dida,
20 Ya nomnomom din intulagmun da'mi
21 Ya adim ni' abuluton di abainan danen maligligatan
22 At ihi'almu ni', Apo Dios, ta atom di pohdom hi ma'at ta ipadinongmu nan ato'atondan He"a
23 Ya adim aliwan nan namadngopadngol nan buhulmun He"a