1 O Dios, badangana' ti ten mahe'noba' an ten negpong hi bagang'uy danum!
2 Ya ten munlononga' hitun maluhung an luyo' an ten mi'id di ma'odhol hi pangegpa'a',
3 Ya nablaya' an munha'it di bagang'un umaya'ayag hi badang,
4 Nan mamohol ay Ha"in an mid di dumalat ya do'do"olda ya un nan uyap di buu"u,
5 He"a, Apo Dios, ya inilam an amin di nun'appuhin ina'inat'u
6 Ya adim ahan iyabulut an Ha"in di dumalat hi abainan nan tatagun umunud ay He"a, Apo Dios an na'abbagbagtu,
7 Ti He"ay dimmalat hi namahipahiwandan Ha"in,
8 Ya nan i'ibba' ya nan pamilya' ya ibilanga' hi mangili,
9 ya nidugah ahan di pamhod'uh nan Timplum an hiyay nonomnomo',
10 Ya hinan punluwalua' ay He"a ya ilangdua' ya nidugah di pamahiwandan Ha"in,
11 ya wa ay goh ta munlubunga' hi langgut hinan punlangdua' ya aba'abatlana' hinan tatagu.
12 Ya Ha"in goh ulgu'ulgudonda,
13 Mu gunna' munluwalun He"a, Apo Dios, ta badangana' hinan gutud di pamhodam,
14 Badangana' hinan a'unuga' ta adim iyabulut an munlononga',
15 Halimunana' ni' ta adia' maltengan an munlonong hinan maluhung an danum,
16 At abulutom ni', O Apo Dios, nan luwalu' an dumalat di anidugah di pamhodmu,
17 Ya adia' ni' du'gon an baalmu
18 at umali'a ni' ta baliwana' hinan aton nan buhul'u.
19 I'innilam an amin nan namihupihulandan Ha"in,
20 Ya nan nidugah an namahapahaldan Ha"in di punha'itan di punnomnoma',
21 Ya linamutanday ono' hi mumpa'it an paddungnay bininu,
22 At maphod hi un nan behtaday dumalat hi a'ubahanda,
23 Ya maphod unmu bulawon dida ta adida tummig,
24 At bumungot'a ta moltaom dida,
25 Ya mun'abukawan ni' nan numpunhituwanda ta mi'id ah ma'angang hi munhitu
26 ti undaat goh mamaon an paligaton nan minoltam,
27 At hahalepatam ta adim aliwan an amin nan numbaholanda
28 Ya ma'ubah ni' nan ngadandah nan Liblun Nitud'an nan Mi'taguh Mid Pogpogna
29 Mu ten nidugah di punholholtapa' ya lungdaya,
30 Ya ikanta' di pangipabagbagtu'a' ay Apo Dios,
31 Ya inila' an hiyah ne pa'appohdon Apo Dios ya un nan me'nong ay Hiya an uyaw an baka
32 At tigon ay nan mipaligligat heten ato' ya mipa'anlada,
33 Ti abuluton Apo Dios di luwalun nan mahmo' an tatagun mumpabadang ay Hiya,
34 At da'yun wad abuniyan, ya nan wah tun luta, ya ta"on goh nan wah nan baybay, ya an amin nan nalmu
35 Ti hi Apo Dios ya baliwana nan tatagud Jerusalem,
36 Ya nan holagday mamnoh hinan luta,