1 Do'ol di mun'aphod hi ninomnom'un itudo' ta mikantah nan ali,
2 Ya he"a ya anggay di maphod di alala'ina,
3 Ya eh'otmuy hanggapmu an he"an nidugah di abalinana an ma'al'ali ya me'gonan!
4 Ya muntakay'ah kabayu ta panginnilaan an mangab'abak'a
5 Ya pun'ipanam nan mun'atadom an panam hinan buhulmu ta mun'atibi' di puhuda,
6 O Apo Dios, nan pumpapto'am ya minaynayun hi enggana,
7 Ti pa'appohdom nan makulug an pangat,
8 Ya nan magayad an lubungmu ya nabangbangluan hi myrrh, ya aloe, ya cassia,
9 Ya nan udum an ibilangmun ahawam ya imbabaluy nan a'ali,
10 Ihamadmun mangngol hitun itugun'un he"an ahawaon nan ali
11 Ti nidugah di nangamnaw nan alin he"a an dumalat nan ama"aphodmu,
12 Ya umali nan babain imbaluy di alid Tyre an waday adawnan he"a,
13 At wah dih nan kuwaltuna nan babain imbaluy di ali an ma"aphod di tigawna
14 At nidugah an ma"aphod di inlubungnah pangiyayandan he"an ali,
15 Ya nidugah di umamlongandah nan umaliandah nan palasyum.
16 Ya nan imbabaluymun linala'iy mipallog an mun'alih udum di algaw an umat hidin o'ommodmu
17 At ipinaynayun'uh nomnom di tatagu nan nidugah an inatmu