1 Donglom ni' ahan di luwalu', Apo Dios.
2 Ya ibilanga' ni' an mi'id di bahol'u
3 Ya i'innilam di wah puhu' ya nomnom'u ti ta"on hinan mahdom ya tapngana',
4 Ya inunud'u nan Tugunmu,
5 ti inaynayun'un mangun'unud ay He"a,
6 Ya manu ay munluwalua' ay He"a, Apo Dios, ti inila' an abulutom,
7 At ipattigmu nan nidugah an pamhodmuh nan pamaliwam ay ha"in,
8 At halimunana' an ipapto' ahan,
9 hinan mamohol ay ha"in
10 Ti mi'id di homo'da,
11 Ya wagwadada an unu'unudona'
12 Ti umatdah nan munhinaang an layon an mamannod ay ha"in ta pumbi"ia'.
13 At umali'a ni' ahan, Apo Dios, ta hanggaom tun buhul'u ta abakom dida,
14 Baliwana' an dumalat nan nidugah an abalinam, O Apo Dios,
15 Ya ha"in ya mundenola' hi un'u tigon nan angahmu ti mi'id di inat'uh nappuhi,