1 Madayaw hi Apo Dios!
2 Da'yun a'anghel ya da'yun udum an wad abuniyan ya dayawonyuh Apo Dios!
3 Dayawonyuh Apo Dios an da'yun algaw, ya bulan, ya bittuan,
4 ya he"an ad dayan wah bagtuna,
5 Dayawonyuh Apo Dios an da'yun amin an limmuna
6 Ya immandalnay penhodnan ihinanyuh enggana, at na'at,
7 Ya da'yun wah tun luta, ya ta"on un da'yun wad dolom,
8 Dayawonyuh Apo Dios an da'yun ilat, ya dalallu, ya bunut,
9 Ta"on un da'yun aduntuduntug, ya dudunduntug,
10 Da'yu goh an atap an a'animal, ya mapangan an animal, ya da'yun ahi'ada'adap,
11 Da'yun a'ali, ya da'yun amin an Hentil,
12 Da'yun ungungan linala'i ya binabai,
13 Maphod un an amin ayu ya dayawonyuh Apo Dios ti Hiyay na'abbagbagtun amin!
14 Pento' Apo Dios di alih mumpapto' hinan tatagunan holag Israel an e'gonandan amin.