1 Ikanta' nan aat di pamhodmu ya nan amakulug di panumalyam,
2 Ya halimuna' di nitagua' ta adia' mapahpahal.
3 Ya butiwo' nan nun'appuhin ma'at,
4 Ya adia' midmiddum hinan nun'appuhiy pangatnan tatagu,
5 Ya wa ay di mangulgu'ulgud hi layah hi aat di ibbanan tagu ya pogpogo',
6 Ya nan un'unnud ya nan manginaynayun hi umunudandan He"a, Apo Dios, di middum an mi'hitun ha"in,
7 Ya adi' abuluton nan bumalbali an middum an mi'hituh abung'u,
8 At abigabigat ya gun'u pogpogon nan nappuhiy ugalidan tatagu