1 Gulat ta pilionyuy amaphod di tagu ya hay maphod
2 Nan adangyan ya nan nawotwot ya hay pannig Apo Dios ya mi'id di nun'abhiwanda
3 Nan tagun nanomnoman ya wa ay ta olmanan waday nappuhih ma'ma'at ya halimunanay odolna ta mid nappuhih ma'at ay hiya,
4 Hay lagbun nan mumpa'ampan tagun mange'gon ay Apo Dios
5 Umipaligat di ataguan nan adi mangngol ti numbino'ob'on di atata'ot an ma'at ay hiya,
6 Maphod di ma'at hi un nan tagu ya itudtuduwanay imbaluyna hi maphod an pangatna
7 Immannung an nan nun'awotwot ya diday ipapto' nan adadangyan,
8 Nan tagun paddungnay mun'oho' hi nappuhih nan i'ibbana ya nappuhi goh di ma'at ay hiya,
9 Mawagahan nan tagun ma'an'aniddat ti nan nangibingayanah ma'an hinan nun'awotwot.
10 Pumpakakyu nan pumihul
11 Nan tagun nahamad di nomnomna ya ma'ma'ullay di panapitna,
12 Halimunan Apo Dios nan makulug an panginnila,
13 Nan napayad an tagu ya do'ol di pambalnan alyonay,
14 Nan panapihapit nan nalinala'in babai ya umat hinan maluhung an bitu,
15 Nan ung'ungungnga ya gangayna tuwalin nakudang di nomnomda, at atonday nappuhi,
16 Nan tagun hay nun'awotwot di mamaonan punligaton ta way atonan umadangyan
17 Hay maphod hi atonyu ya ihamadyun donglon nan itudun di nun'ala'eng ya nan nun'anomnoman ta hiyay adalonyu
18 ti maphod unyu adalon ta adiyu al'alliwan,
19 Ya manu ay itudu' hatun da'yud ugwan ya ta hi Apo Dios di pange'kodanyuh nitaguanyu.
20 Daten mehnod an tulumpulun tugun an intudo"u ya al'alu'on da'yu ta ma'adalan ayu,
21 ya immannung an diday makulug ya nepto' an tudtudu,
22 Adiyu mamaon an paligaton nan nawotwot an dumalat nan nawotwotanda,
23 Ya manu ay adiyu aton ti hi Apo Dios di bumadang ay dida,
24 Adi ayu mi'ligwah nan tagun mabubungot,
25 Ti atonyu ay at ini ya ipa'enghayu, at umat goh hinay aatyu,
26 Adi maphod hi unyu itulag an da'yuy okod an mumbayad hinan utang di ohan tagu.
27 Ti gulat ta madatngan henen gutud ya mahapul an da'yuy mumbayad ya mi'id ay di pumbayadyu
28 Adiyu goh ipahlig di igad hinan lutayun din inyamman din a'apuyuh penghana
29 Nan tagun nahamad di atonah nan tamun ene'koddan hiyah tamuana ya hiyay mangitamuh nan way ipatamun nan ali,