1 Ya inalin Apo Dios di,
2 Ti engganad ugwan ya inaynayunyun bumahobahol
3 At hiyanan udum hi algaw
4 Mu Ha"in an Dios an ap'apuyu tuwali di nangibaliw ay da'yuh din nihbutanyud Egypt.
5 Ha"in di gun nangipapto' ay da'yuh din awadanyuh nan mapulun
6 Mu hidin immuy ayuh nan ma"aphod an babluy ta pinumhod di nitaguanyu
7 At hiyanan umalia' an mangubah ay da'yu
8 At pumbu'li da'yun umat hi pangat di bear hi un way inlayawdah imbaluyna.
9 Ha"in di gun bumadang ay da'yu,
10 Din o'ommodyu ya inluluddan mumbagah mun'ali ay da'yu.
11 At dumalat nan bungot'u ya inyabulut'un waday aliyu,
12 At an amin nan numbaholanyun i'Israel ya adi ma'aliwan
13 Da'yun holag Israel ya inyabulut'uy pangipaphodanyuh nitaguanyu,
14 Mu baliwa' da'yuh nan aligatanyu,
15 an ta"on hi un da'yuy adangyan ya un nan udum.
16 Ya ta"on un nan i'ibbayun iSamaria ya mamoltada,