1 Hidin ami'id di udan ya inalin goh Apo Dios ay ha"in di,
2 “Nidugah di punlungdayaan nan iJudah ti mun'alangun amin nan wah nan babluy,
3 Ya nan adadangyan ya honogonda nan baalda an humagub hinan bubun,
4 Ya ta"on nan mumpumpayaw ya nidugah di numanomnomanda,
5 Ya ta"on goh nan ulha ya taynanday imbaluydah nan inalahan
6 Ya nan dongkih inalahan ya nidugah di ngahingahda an umatdah nan jakal,
7 At alyon nan tatagun Apo Dios di,
8 Anggay He"ah ehdolmin holag Israel,
9 Un'a dan umat hinan tagun manoh'a eten nidugah an na'at?
10 Mu hay nambal Apo Dios ya inalinay,
11 Ya inalin Apo Dios ay ha"in di, “Adim mahkay iluwaluan danen tatagu.
12 Ti ta"on hi unda munlangdu an munluwalun Ha"in ya adi' dongdonglon di pumpahpahmo'anda. Ya ta"on goh unda e'nong ay Ha"in nan Onong an Moghob ya nan Onong an Ma'an ya adi' damdama abuluton. Mu un'uat pun'ipapatoy didah nan gubat, ya hinan batel, ya hinan nidugah an dogoh.”
13 Mu inali' di, “Apo Dios an na'abbagbagtu, nan numbino'ob'on an propeta ya gunda alyon hinan tatagu an mi'id anuy ipa'alim hi gubat ya batel! Ti hay pawadaom anu eten babluy ya hay lenggop ya anggay!”
14 Ya inalin Apo Dios ay ha"in di, “Hanan propeta ya layah di gunda impa'innila an ta"on hi unda alyon an Ha"in di nangali. Agguy'u ahan hennag dida, ya mi'id di inal'ali' ay dida! At nan alyondan paddungnay enenapda ya bo'on ahan Ha"in di nalpuwana, at mi'id hulbin nan gunda ipa'innila ti un hay ninomnomda.
15 At hiyanan Ha"in an Dios ya moltao' danen propetan munlayah ti alyonday mi'id di gubat ya batel! Mu ibaga' an mi'yatoydah ipa'annungan nan gubat ya batel!
16 Ya nan tatagun nangipa'innilaandan dane ya mun'iwalitang di odoldah nan kalatad Jerusalem an dumalat nan gubat ya batel ti mi'id di ang'angon nan gubat ya batel hinan pamilyadah mangilubu' ay dida. Ti iballoh'u ay dida nan nun'appuhin ina'inatda.”
17 Ya inalin Apo Dios di ibaga' hinan tatagu nan numanomnoma' ay dida, at inali' di,
18 ti an amin di limmane'le'da' eten babluy ya awalitang di nun'a'atoy an tatagu an dumalat nan gubat,
19 At ha"in an hi Jeremiah ya nan i'ibba' ya inalimin Apo Dios di,
20 Apo Dios, abulutonmin ongol di numbaholanmin He"a
21 Mu nomnomom di ipabagtuam ta adi da'mi ni' ahan inganuy,
22 Ti undan nan bulul di mangipa'alih udan?