1 Ya intuluy Eliphaz an himmapit an inalinay,
2 Nan nunheglan bungot di hiyay dumalat hi atayan nan adi mangngol,
3 Ha"in ya hinamad'un tinnig han munlayah an ay ihunay un nahamad di nitaguana,
4 At mi'id pohod ya lenggop di pi'taguan nan imbabaluyda,
5 Ya nan mumpunhinaang an tatagu ya aminondan pun'a'an nan inhabal hanan munlayah,
6 Nan ligat ya bo'on tun lutay nalpuwana,
7 Mu nan tagun mitungaw ya hiyay munlumuh ligatna
8 Gulat ta ha"in di na'atana
9 Ti Hiya ya atona nan umipanoh'an adi olog di tagun mangat,
10 Ya ipa'alinay udan hitun luta
11 Immannung an hi Apo Dios ya ipabagtuna nan tagun mangipa'ampah odolna,
12 Ya bahibahonay ato'aton nan bumalbali
13 Ya paddungnay bituona didah nan anala'engda
14 Ta ta"on un mapatal ya homelong hinan wadanda,
15 Hi Apo Dios ya ibaliwna nan nun'awotwot hi atayanda,
16 Hiyay mangidat hi namnaman nan nun'awotwot,
17 Mundenol nan tagun tugunon Apo Dios,
18 Ti hi Apo Dios ya humugat, mu du'pana goh,
19 Ya hi Apo Dios ya ibaliw da'ah nan way nappuhin ma'at,
20 Ya gulat ta waday batel ya pawadaonay tanudmu ta adi'a matoy,
21 Ya baliwan da'ah nan way hapitondah mamuhin he"a,
22 Adi'a goh tuma'ot an ta"on un atata'ot di ma'at ya batel,
23 Ti nan animal hi bubulung ya ma'ma'ullaydan he"a,
24 At mi'id al'alih nan abungmu,
25 Ya innilaom an dumo'ol di imbabaluymu,
26 Ya adu"oy di pi'taguam,
27 Da'mi ya inadalmiy aat date,