1 Ya intuluy Job an himmapit an inalinay,
2 Ti ngadan han midat an malpuh nan Dios an wad abuniyan,
3 Undan adina moltaon nan gun mumbahol?
4 Inilanan amin di ato'ato',
5 Ya gulat ta waday inlayaha' unu way ohah binalbaliya'
6 ya hi Apo Dios di okod an mangihamad an munhumalyan ha"in,
7 Ya gulat hi un'u inhingngi ta agguy'u inunud nan ma'andong an dalan,
8 ya hay molta' ya maphod hi un nan udumnan tataguy mamto' hinan inhabal'u,
9 Ya gulat hi un way inamnawa' hi babai,
10 at maphod hi un nan ahawa' ya mihakup hinan udumnan linala'i,
11 Ti umipabain ahan di umat hinan bahol,
12 Ya gulat ta ma'at di umat hina ya an amin di wan ha"in ya maphod hi un mun'apa"i
13 Ya gulat ta way ililin nan baal'un lala'i unu babain ha"in
14 at hay ato' mah hi unna' bagan ay Apo Dios,
15 Ti numpaddung an hi Apo Dios di nunlumun ha"in,
16 Ya agguy'u ahan hiniganan an gun namadabadang hinan nun'awotwot
17 Ya undan pinunghan'uy ma'an
18 Agguy'u ahan!
19 Ti wa ay di tigo' hinan nawotwot an tatagun mi'id di lubungda
20 ya indat'uy lubungdah nan lubung an nalpuh nan dutdut di kalnilu'
21 Ya gulat ta un nonong ya hinudpa"u nan nguhu
22 ya abuluto' hi un ma'ipung tun ta'lay'u
23 Ti ha"in ya tuma'ota' hinan nidugah an pummoltan Apo Dios,
24 Immannung an agguy'u ahan ene'kod di nitagua' hinan inadangyan'u
25 Ya agguy'u goh enehdol di a'e'gona' hinan inadangyan'u
26 Ta"on hi un'u tinnig di amaphod di algaw ya bulan
27 ya agguya' ahan na'al'alu' an ni'dayaw ay dane han dayawon nan udumnan tataguh tun luta.
28 Ya gulat ta nan umat hinay numbahola'
29 Ha"in ya agguya' immamlong hidin nipaligligatan nan mi'buhul ay ha"in,
30 Agguya' ahan numbahol ti mi'id ah ohah iniduta',
31 Ya an amin nan baal'u ya iniladan gunna' nun'am'amlong an nummangilih nan bunag,
32 Ya impahi'um'un amin di mangilin nalpuh udum an babluy,
33 Agguy'u inhaut nan bahol'u an umat hi aton di udum an tatagu,
34 ya agguya' timma'ot hi inalin nan tatagu,
35 (Un mah mi'id di mangngol hi hapito'?
36 at ala',
37 Ya ipa'innila' ay Apo Dios an amin nan ina'inat'u
38 Ya gulat ta un'u penloh nan lutan punhabala'
39 unu gulat ta inan'u nan nabto' an agguy'u binayadan
40 ya abuluto' kaymu an hay holo' an nun'ahbitan di ipahangawmun nen luta