1 Ya tembal goh Job an inalinay,
2 “Hay inatmu udot ta binadangam nan mi'id di abalinana?
3 Ya hay umatan nan tugun an nanugunmuh nan tagun mi'id ahan di la'engna?
4 Hay nangadalam hinan nahamad an nanapitmu?
5 Wumogwog nan lennawan di nun'atoy an wad dolom hinan ampan di danum,
6 ya nan lugal ad dolom an wadan di nun'atoy ya titiggon Apo Dios
7 Hi Apo Dios ya enabellognad daya an mi'id di namdon,
8 Ya imbi'lugnah nan bunut di danum,
9 Ya abalinanan manophop hinan timmaban bulan
10 Ya nan pogpog di baybay an nan paddungnay nundittuman ad daya ya nan danum hi un amangon
11 Ya nan aduntuduntug an ay tu'ud an namdon ad abuniyan
12 Ya dumalat di abalinana ya impadinongna nan dalluyun hinan baybay,
13 Ya un anggay di hodohdana ya pimmatal ad daya,
14 Hiyatuy umipanoh'an ditu'u,