1 Ya tembal Bildad an holag Shuah an inalinay,
2 “Anuud mah di pangidinngam an gun humapihapit?
3 Anaad ta un da'mi ibilang hi paddungnay animal?
4 Ya unmu pa"ion di odolmun dumalat nan bungotmu.
5 Makulug an ag'agan ma'ubah nan nappuhin tagun umat hinan hilaw an mun'adop
6 ta homelong nan abung ti adi mipabnang nan hilaw.
7 Din panalan hidin hopapna ya mabi'ah,
8 Ya adina elan ya ene'wanah nan wadan di hulu,
9 at mahulu nan mu'udna,
10 Ya waday nahophopan an bituh mangna ay hiyah nan dalan an pange'wana,
11 ya an amin nan pange'wana ya mimitnud nan nidugah an umipata'ot
12 Hiya ya adangyan hidin hopapna,
13 Atata'ot di dogohnan nalipuh di odolna,
14 Hay atoy di mangilayaw ay hiyah nan abungnan awadan an amin di gina'una,
15 Ya nan abungna ya ma'ubah ti gohbon nan mundalang an budbuda,
16 at hiya ya umat hinan ayiw an mete"ah lamutnan mamaganan ta engganah nan hapangna.
17 At ma'ubah di panginomnomandan hiyah tun luta,
18 Ya mapakak hiyah nan wadan di mapatal
19 Ya mi'id ahan ah holagnah taynana,
20 Ya an amin nan mangngol hinan nappuhin ma'at ay hiya
21 Hiyah ne ma'at hi moltan nan mangamangat hinan pumbaholan,