1 Tembal Job an inalinay,
2 “Ha"in ya gun'u dengngol hanan hapit,
3 Uya'a ya adi ayu duminong an humapihapit!
4 Ya gulat ta da'yuy mihukat ay ha"in an maligligatan
5 Mu ha"in ay ya adi umat hinay ato'
6 Mu gulat ta humapita' ya adi damdama ma'aan di dogoh'u,
7 O Apo Dios, anaad ta umat hituy inatmun ha"in an ten nidugah an paligligatona'
8 Ya ten paddungnay hinawida' ay He"a,
9 Ya nidugah ahan di bungot Apo Dios ay ha"in
10 Hinhannulona' ya inabohlana' hinan tatagu,
11 Ya ene'koda' ay Apo Dios hinan adi mangngol an tatagu,
12 Hidin hopapna ya mi'id di al'alin ha"in,
13 At pinananay numpinangngel hi odol'u
14 Ya unna ahan itugtugan mamaligat ay ha"in
15 At nunlubunga' hi langgut,
16 Ya binumlah di mata' hi limmugwalugwaa',
17 Ti ta"on un ha"in ya immannung an mi'id ah bahol'u,
18 He"a ni' an luta ya adim ni' ahan aluban tun dala'
19 Ya ta"on ad ugwan ya wah did abuniyan di mun'ihtigun ha"in
20 Ya henen mun'alun di nahamad an ligwa'
21 Ya maphod ni' hi un waday ohah tagun mangihapit ay ha"in ay Apo Dios
22 Ti ten nahnot di tawon hi pi'tagua',