1 Ya intuluy Job an himmapit an inalinay,
2 At hay ilili' ay Apo Dios ya alyo' di,
3 Undan umamlong'ah unna' paligligaton,
4 Undan nan matam ya umat hi matan di tagu,
5 Undan he'he'dod di pi'taguam
6 ta mahapul an pa'atiggom hay way ibahhawa',
7 He"a ya i'innilam an mi'id di numbahola',
8 He"ay nunlumuh tun odol ya aat di tigaw'u,
9 Nomnomom ni' ahan an hay pito' di inyammam ta limmuwa',
10 Ya unna' dan adi umat hi gatas an nihiit hi putun ina
11 Ya numpun'ummumom di tungal'u,
12 Ya He"ay nangidat hi nitagua',
13 Mu hiyah ne ninonomnommu tuwalih
14 an unmu hahalepatan ta tigom unna' mumbahol,
15 Ya wa ay ta mumbahola' ya atata'ot di ma'at ay ha"in,
16 Ya wa ay ta mapmaphod di nitagua' ya bota'ona' hinan aya'
17 Ya gun'a mun'anap hi nat'on an mun'ihtigun ha"in
18 Mu anaad mah ta inyabulutmuy nitungawa'?
19 Ta unna' dinawat ya innayundan nangilubu' ay ha"in
20 Undan adi magadyuh an malpah tun algaw hi pi'tagua'?
21 ya unna' umuy eden lugal an awadan di tatagun adi mumbangbangngad
22 Ya henen luta ya pa'ahhelong,