1 Ya inali' goh di,
2 Ya henen a'atana ya mihinap nan titindaluh nan aduntuduntug
3 Ya umatdah nan apuy an am'amungitanda nan nitanom.
4 Ya umatdah kabayu an mun'abi'ahdan lumayaw,
5 ya danen mi'gubat an titindalu ya wa ay ta maluhdah nan duntug
6 Ya nidugah an atata'otda,
7 Ya umayo'ayot'otdan mi'gubat,
8 ya adida mumpopolloh an umuy
9 Ya punnaudondan umuy hinan siudad,
10 Ya wa ay ta manguyda ya umalyog tun luta ya ad daya,
11 Ya ay idul nan hapit Apo Dios an mummandal ay daden nidugah an do'ol an mun'abi'ah an tindaluna,
12 Ya innayun'un inali goh di,
13 At ipattig tu'u ni' an makulug nan puntutuyuan tu'u
14 At olom at ni' ya un ditu'u hom'on ta un ditu'uat wagahan
15 At ipagangoh tu'u nongkay nan talampet hidih Zion
16 Ya ta"on un nan a'am'ama, ya nan ungunga,
17 Ya ta"on un nan papadin munhulbin Apo Dios ya mahapul
18 Ya gulat ta ma'at hana ya immannung an hom'on ditu'un Apo Dios
19 At tembal Apo Dios di luwaludan inalinay,
20 Ya pun'ipipakak'u nan mi'gubat an malpuh appit hi iggid hi un hagangon di buhu'an di algaw
21 At inali' di,
22 Ya ta"on un nan a'animal hi inalahan ya adida tuma'ot ti tumubu nan holo' hi ononda,
23 At umamlong tu'ud Zion ti ipa'alin Apo Dios di udan hi punhapulan tu'u,
24 At dumo'ol di ihabal tu'u,
25 Ti waday ipa'innilan Apo Dios an inalinay,
26 Ya ad ugwan ya do'ol mahkay di ononyu,
27 At hiyay panginnilaanyun holag Israel an wagwadaa' ay da'yu,
28 Ya inalin goh Apo Dios ay ha"in an hi Joel di,
29 Ya umat goh hinah nan baal'un linala'i ya binabai
30 Mu awniat waday umipanoh'a an ipattig'uh tun luta ya ad abuniyan
31 Ya humelong nan algaw,
32 Mu an amin nan mumpabadang ay Ha"in an hi Apo Dios ya diday mabaliwan.