1 Ya inalin goh Apo Dios di,
2 Tigonyun hinophopan di helong tun luta ta nahelngan ayun amin,
3 At nan Hentil ya nan a'alidah nan abablubabluy ya umalidan da'yu
4 At amangonyu nan nunlene'woh ti den mumpanga'anamutda nan i'ibbayu!
5 Mun'alitag di matayu ti nidugah di umamlonganyu
6 Ya nidugah an do'ol ahan di numpuntakay hinan kamilu
7 Ya do'ol goh di kalnilud Kedar ya ad Nebaioth hi midat ay da'yu
8 Ya inalin goh Apo Dios di,
9 Dida hanay pupul ad Tarshish an mumpangiyanamut hinan tatagu'!
10 Ya nan bunag an nalpuh udumnan babluy di mangipaphod an mangiyammah nan nun'apa"in allupyu,
11 At nan babluyyu ya munnononnong an mibubughul
12 Ti nan tataguh nan babluy an adi munhulbin da'yu ya mapogpogda.
13 Ya nan mun'aphod an ayiw an bolbol, ya fir, ya cypress
14 At umali nan holag din nangipaligligat ay da'yu ta munluungdan da'yu
15 At adi ayu mahkay minganuy ya ma'abohlan an mid managhaggung ay da'yu
16 Ya halimunan da'yuh nan udum an tatagu ya nan a'ali an malpuh udum an babluy
17 Ya nan balitu' di idat'un da'yu an bo'on nan gambang,
18 At mi'id mahkay di guluh nan babluyyu,
19 Ya adiyu mahkay mahapul di algaw hi mangipapatal ay da'yuh nan mapatal,
20 At ta"on hi un mawaday algaw ya bulan ad daya mu adiyu mahapul
21 Ya maphod ya makulug mahkay di ugaliyun tatagu,
22 Ya nan nahnot an pamilya ya dumo'ol di holagda ta diday ma'al'ali