1 Eh, Da One In Charge!
2 Oua property wen pass to peopo us guys donno.
3 Now us jalike peopo dat no mo faddah an muddah.
4 Us gotta pay fo drink oua watta,
5 Da guys dat chase us stay nea.
6 Us guys wen give in to da Egypt guys an da Assyria guys
7 Oua ancesta guys wen do bad kine stuff, an dey no moa.
8 Get slave guys stay in charge us guys.
9 Fo get someting fo eat, maybe us get kill,
10 Oua skin stay hot jalike one oven.
11 Guys rape da wahines inside Jerusalem,
12 Dey hang up da leadas by dea hands.
13 Da young guys bus ass fo push da heavy stones fo grind da wheat.
14 Da older leadas stay away from da town gate now.
15 We no stay good inside no moa.
16 Da lei fall off oua head, cuz we wen come all bum out!
17 Cuz a dis, us not strong inside.
18 No mo notting stay on top da Temple hill dat dey call Mount Zion.
19 Da One In Charge,
20 So, how come you erytime foget us guys?
21 Bring us guys back by you, Da One In Charge,
22 Bring us back, no matta you wen tink us guys no good,