1 I one guy dat wen suffa plenny,
2 He wen make me go way,
3 Fo shua, Da One In Charge stay go agains me
4 He make my skin an muscle come ol.
5 He go afta me.
6 He make me stay wea ony real dark,
7 Jalike he build one wall aroun me
8 Even wen I call an yell fo somebody fo come help me,
9 He put one wall wit cut stones fo me no go outside.
10 He wait fo jump me jalike one bear.
11 He block my road an bus me up.
12 He make his bow ready fo shoot,
13 He shoot da arrows from his arrow bag
14 All my peopo stay laugh at me.
15 God make me suffa plenny,
16 Jalike he push my face in da gravel an broke my teets.
17 Get plenny stuff dat bodda me.
18 Az why I tell, “No ways I can hang in dea!
19 Wen I tink bout how I suffa an donno wea I going,
20 Wen I rememba all dat kine stuff dat taste real bad,
21 But I can stay wait fo Da One In Charge
22 Da One In Charge, he stay tight wit us guys foeva!
23 Ery morning yoa love an pity come new.
24 I figga, “I get Da One In Charge fo my share, so I no need notting moa.
25 Da One In Charge do good tings fo da peopo dat wait fo him,
26 Az good fo wait an stay quiet,
27 Az good fo peopo dat still young
28 Good, dey sit wit nobody an stay quiet,
29 Even wen dey gotta put dea face on top da dirt,
30 No matta get peopo dat goin slap dea head,
31 You know, wen da Boss throw out his peopo,
32 No matta he make us suffa,
33 Cuz he no like make peopo suffa,
34 If peopo smash all da prisonas inside da land unda dea feet,
35 If peopo get da right fo do stuff
36 If somebody judge anodda guy, but no judge da right way,
37 If da Boss no like fo someting happen,
38 Get bad kine tings an good kine tings dat happen,
39 How come somebody dat stay alive squawk,
40 Good, us guys go check out how we do, an tes um.
41 Good, fo us guys pray wit one good heart,
42 “Us guys wen do bad kine stuff,
43 “You stay real huhu wit us guys, an go afta us.
44 Jalike you cova up wit one cloud,
45 You make us guys come jalike us junk an opala kine stuff,
46 “All da peopo dat stay agains us guys
47 Us stay sked, an dey dig holes fo trap us guys.
48 I stay cry plenny,
49 I goin stay cry erytime.
50 Till Da One In Charge look down from da sky
51 Wat I see make me come sore inside
52 Da peopo dat stay agains me,
53 Dey put me inside one deep hole fo keep watta,
54 Da watta go ova my head,
55 Da One In Charge, cuz I know wat kine god you,
56 You wen hear wat I yell, “No make deaf ear!
57 You come nea weneva I call out to you,
58 Boss, you fight fo me wen I get trouble!
59 Da One In Charge, you see how dey no like
60 You see how plenny dey pay me back.
61 Da One In Charge, you hear dem talk bad bout me.
62 Da peopo dat stay agains me,
63 Look dem! Dey sit o dey stan, looking at me,
64 Da One In Charge, pay dem back wat dey wen earn,
65 Make dem come real sore inside,
66 Go afta dem an wipe um out, cuz you stay huhu wit dem,