1 Den Job tell Elifaz:
2 “Fo shua, today I still goin squawk,
3 I like know wea fo find God, but I no can find him!
4 I like tell him wat happen to me,
5 I like find out how he goin ansa me,
6 You tink he goin use his powa fo make argue wit me?
7 I stay do da right kine stuff.
8 “But eh! I go da east side, he not dea.
9 Wen he do stuff da north side, I no see him.
10 But still yet, he know wat way I pick.
11 Jalike my feets follow wea evas he step.
12 I no go bag from wat he tell fo do.
13 “But God, he da ony God dass fo real.
14 Cuz he goin make happen wat he plan fo do fo me.
15 Az why bodda me plenny fo stan in front him.
16 Az God, da One wen make me lose fight.
17 But wen he make eryting come dark aroun me, dat no make me stay quiet,