1 “Us peopo, us all born from oua muddahs.
2 Us grow jalike one flowa, an den quick, us come all dry up.
3 God, you goin look at even one a dat kine peopo? No way!
4 Wen get somebody dat no mo da right fo go in front you,
5 God, you make up yoa mind awready,
6 So look away from us guys, an bag from us.
7 “Fo shua, you can wait an see wat happen wit one tree.
8 Maybe da roots goin grow ol inside da groun,
9 But if get even litto bit watta, da new shoot goin come one mo time.
10 But peopo, wen dey start fo mahke,
11 Jalike da watta dry up from one lake,
12 Az how peopo lay down an no get up no moa.
13 “I wen like fo you hide me inside da Mahke Peopo Place.
14 If one guy mahke, he goin come alive one mo time, o wat?!
15 If az how, den you goin like see me, da guy you wen make.
16 Fo shua you goin take kea me, ery step dat I walk,
17 Jalike you goin put all da wrong tings I do
18 “But you know, even mountains fall down an come small stones,
19 An da watta poun da stones fo make um come small,
20 You mo strong den peopo.
21 If peopo show respeck fo da mahke peopo boys, da mahke peopo donno notting bout dat.
22 Da mahke guy, he ony feel da hurt inside his body.