1 “You know, all dis stuff you guys tell, I see um awready.
2 Da stuff you guys know, I know um too.
3 But me, I like talk strait to Da God Dat Get All Da Powa.
4 But you guys, you bulai fo cova up da trut!
5 Da bestes way fo you guys show how you know wat fo do erytime,
6 Try lissen how I goin argue.
7 You guys tink you goin help God
8 You guys goin make nice nice to him fo him goin do wat you like, o wat?!
9 You guys tink you goin come out good if he aks you guys questions, o wat?!
10 Fo shua, he goin scold you guys
11 He stay real importan, an dat goin make you guys sked.
12 You guys no foget tings da ol peopo tell, but az worth notting, jalike ashes.
13 “Shut up, an let me talk!
14 How come I tell, ‘Wateva goin happen, let um happen!’?
15 Maybe God goin kill me! Maybe I no mo notting fo wait fo!
16 An den, da ting dat goin get me outa trouble,
17 “An one mo ting, you guys—
18 Look, I stay ready fo tell how come I stay right.
19 Get somebody goin poin finga me, o wat?
20 “Eh God! Ony do dese two tings fo me,
21 Numba one: No punish me no moa!
22 Den call me, an I goin ansa you.
23 Wat kine wrong an bad kine tings I wen do?
24 How come you hide yoa face?
25 You goin make me shake, o wat?!
26 You write down poison kine tings agains me!
27 You lock my feets inside da wood shackles.
28 “Peopo stay come poho jalike someting rotten!