1 Ngolo bayale ngiringarale ala winigo áyu wá ereba halu mo ko hayada.
2 Ala Saiono wandari igiri daliaheru ngolo bayaleore muni timbunime yolo miaganegobi henego
3 Biango dudu angibuni karume tinaga igini wiaru mitangi buwa andu miaga ka.
4 Saiononaga wali agalime tinaga waneigini emene uruni andu noa halu kembobe lebole howa tomo noa halu homelo wahaga.
5 Ala ti tomo nolene bayaleru bu payabu wiagago ai áyu homogo hearubi tomo nolene nawi burupaleore ka.
6 Sodomo wali agalime ko biyagonaga pani mialu Ngode Datagaliwabehanda tinaga tano bayale winigo abaleore bo heda hene.
7 Yarusalemeni agali haguane maru ala heneru tinaga tinginini ko mbira para nahe bayaleore hene.
8 Ti harigani homo payabu wima peagola tinaga dengui mindi to̱ai leagola mbiralime abogoda lowa handabe nahe wini.
9 Agali maru waime bayagola homayaru ti yo piyagonigo karulapeda.
10 Walirume tinaga waneigini daraore henegoyu homayagola tinaga tingini mo yalu puwa tini dawa nene.
11 Anduane Homogo ibugua Saionohondo keba taraore howa bo gialobagabu wahaya.
12 Kini hearumebi wali agali tara tara dindi bibahendeha bu hearumebi
13 Tigua ani nabibehe manda bu henego ogodagua biniya.
14 Loma binigo mo miaga biarubi bi mana latagi haga biarubi tinaga agani wali agali homelo bo wahayarunaga darama para hayagome ti Anduane Homogo deni dodohe howa nakarulape hene.
15 Wali agalime tihondo bi dalimu lalu, Tí dodohedago ina kamagoria kaware naibi habagi hadaba, lalu hayiya.
16 Anduane Homogo ibunime ti bo purogo lelalu ti mitangi nabi wahene.
17 Ina agali hameigini mbirame ibalu pele ngialu haru dai bilo lowa
18 Waitigirume ina bo wahole lowa harigani yu biraabo hayagola
19 Ina ibida pirimagola waitigime ina talima íbuore biyagoni.
20 Tigua inanaga kini Anduane Homogohanda ina de hondo helo dabo helene biago minalu biya.
21 Idomoaliru-o tí Usu dindini kamigoni howa Saiono bo gialobaga biyagonaga turu howa oba halu a̱e̱a̱ ka̱e̱a̱ bialu hadaba.
22 Saiono-o í̠na ko birigonaga Anduane Homogohanda í̠hondo pani ngiadai biyaruni ngia maro bialu