1 Ê-li-hu capoch hòm 'màng cô:
2 “Ô 'bài mangai ma doi dađeh rabiaq, tamàng bàu au anoi cô oq;
3 Ma jah 'màng aih don loq tàng bàu capoch,
4 Bèn phai ràih ca dađeh trong troq beq;
5 “Taiq Jop doi: Au cô mangai ta-atoq,
6 Au ùh broq tôiq, mahaq wì xôq doi ca au mangai capoch amòng;
7 Cabô ma troi Jop?
8 Haq ta'mùt ca 'bài mangai rataoq,
9 Ma jah 'màng aih Jop doi: ‘Con mangai jah i lòiq cleq jò chaq bìac lem bùi ta nòi Boc Plình?’
10 “Taiq 'màng aih, ô mangai khôn rabiaq,
11 Haq ca'naih hlài da rìm ngai tiaq cla wì ma broq, tabroq ca rìm ngai tiaq trong tajì ca wì haq.
12 Joq 'nàng Boc Plình ùh broq bìac dù, Chuaq I Cwìang Itai Dìq Dŏng ùh broq tablòq ca bìac ta-atoq.
13 Cabô jao ca Haq bìac wèq plì taneh? Cabô 'nac Haq wèq cwìang dìq ca crŏng taneh?
14 Tàng Haq pajaq yŏc hlài dèh hòi hihèm wa yiang ma haq khoi pa'noh am ca con mangai,
15 'màng aih èh rìm 'bài ngè i hihèm cachìt dŏng dìq;
16 “Tàng ìh khôn rabiaq, ìh tamàng bìac cô beq;
17 Mangai leq git ca trong ta-atoq jah wèq cwìang ùh?
18 Boc Plình lech ca bùa, doi: ‘Ìh ùh i ca lòiq cleq;’
19 Haq ùh gen can wì con bùa,
20 Khoi cô èh ùh dùnh cleq wì haq cachìt, jò 'ne mang, wì haq tarìt wa cachìt; mangai broq càn wèq cwìang hadai cachìt hnhung ùh xài taiq tì con mangai.
21 “Mat Boc Plình ti ngan trong da con mangai; Haq ngan hnoq tang cadiang wì lam.
22 Ùh i ca nòi clam loq yàp clam leq ma hlèp ca mangai broq dù cadàu mot.
23 Jò Boc Plình hadrah con mangai, Haq ùh nhet achìh jàiq ep thê wì trùh jang ngìa Haq đòiq hadrah.
24 Haq raliang đac mangai i cwìang, ùh nhet bòch cabô, hi khoi yŏc mangai 'noiq thai hlài.
25 Taiq Chuaq loq ca bìac wì haq broq,
26 Chuaq jêh wì haq taiq wì haq mangai dù,
27 taiq wì haq tawìh crŏng ùh tiaq Chuaq,
28 wì haq broq ca bàu mangai pabônh crò hmoi ca Chuaq,
29 jò Haq ŏi hatenh, cabô hùa trech Haq?
30 Haq ùh thê mangai ngang dù wèq cwìang;
31 “Ma jah 'màng aih i cabô khoi doi ca Boc Plình:
32 trong leq au ùh hnoq, xìn Chuaq patô hnài am ca au;
33 'Màng aih ìh hèm Boc Plình tiaq manoh ìh ca'naih hlài am ca ìh 'mòh? Taiq ìh khoi tajraq hlài bìac Haq broq! Cla ìh ep ràih yŏc, ùh xài au; 'màng aih bìac ìh ma loq, ìh capoch 'noh beq.
34 “ 'Bài mangai khôn rabiaq, wa rìm mangai 'nì loq tamàng au,
35 Jop capoch ùh 'nì,
36 au waiq ca Jop glàm bìac baxa thù trùh pulùch,
37 Jop i tam bìac blàq blènh ta tôiq lôi tep tì ŏi ta'ne nhèn,